.--JOSÉ CARLOS:
He llegao andenantes que prencipiaras ese poema y m’he queao
ascuchándote detrás e la puerta. Y quieo qu’añadas estos
versinos, si te paece bien...
¿Degde cuándo los qu’icen que son asina
(manque estén en el destierro
po la farta de trebajo
d’otros tiempos,
pero duermen toas las noches abrazaos
a los sueños extremeños),
s’acojonan cuando escriben como icen
sus más jondos sentimientos?
JAVIER:
Pos por eso no m’importa si critican
que mis versos sean mu malos o mu güenos,
porque’n ellos van marcaos
a fuego lento
los colores de la tierra
d’esta raza de poetas extremeños.
(Javier coge varios libros entre sus manos y se levanta
para continuar hablando con contundencia de voz)
¡Agilen p’alantre los que tién curtura!
¡Agilen p’alantre los que tién talento!
¡Qu’agilen delantre tós los qu’han leío
porque yo no pueo!
Na más soy poeta,
de los de nacencia, de los extremeños.
Y afilo mi pluma con la mi experencia,
y arrebusco, y jimplo, y escarbo’n los verbos.
¡Yo diré detrás con el mi magín
jilvanando versos!
Y es que yo cavilo:
Pa tirá del carro d’este galraero
a mí me s’ocurre que los ilustraos
tién que dir primeros.
Y aluego nusotros,
con versinos nuevos,
manque’n jarapales nus jagamos trizas
nuestros sentimientos,
pasino a pasino
jaremos sendero.
Y arrebuscaremos aquellas vereas
arrescondiínas por los nuestros pueblos;
castúas palabras, aquellas qu’antaño
icían los agüelos;
recaínos nuestros, los mesmos qu’hogaño
s’enrean con el tiempo;
y güenos poemas, versos qu’en la tierra jueron enraigaos
por jondos pensares de grandes maestros.
¡Versos qu’entoavía
nus calan mu adrento!
Porqu’Extremadura es tierra arrogante
qu’esparramó cielo
por los escondrijos más arrebuscaos
d’este firmamento;
y los que jacemos memoria
d’aquello,
con la savia nueva
de los nuevos versos,
a viejos poetas
jonramos sin mieo.
¡Agilen p’alantre los que tién curtura
y nus abran paso a los poetas nuevos!
Pa que asín s’empollen
nietos y bisnietos
de la nuestra galra...
¡qu’entoavía hay tiempo!
Y palren asina,
y sin mieo manejen tós los nuestros verbos,
esos que nus jinchan el pecho d’ergullo
a los extremeños.
¡Qu’agilen p’alantre, qu’agilen con ganas
los que tién talento,
los que tién curtura,
los nobles, los güenos, los sabios maestros!
¡Naide s’acagace!
¡Naide tenga miëo!
Qu’asín arrejunde dende su nacencia
la juerza d’un pueblo
que labró los mares más arrebataos
y sembró caraite’n la tierra adrento
regao con sangre,
suores y esjuerzos.
(“ Verbo Extremeño”
Extracto.- ASINA.- Javier Feijóo)
He llegao andenantes que prencipiaras ese poema y m’he queao
ascuchándote detrás e la puerta. Y quieo qu’añadas estos
versinos, si te paece bien...
¿Degde cuándo los qu’icen que son asina
(manque estén en el destierro
po la farta de trebajo
d’otros tiempos,
pero duermen toas las noches abrazaos
a los sueños extremeños),
s’acojonan cuando escriben como icen
sus más jondos sentimientos?
JAVIER:
Pos por eso no m’importa si critican
que mis versos sean mu malos o mu güenos,
porque’n ellos van marcaos
a fuego lento
los colores de la tierra
d’esta raza de poetas extremeños.
(Javier coge varios libros entre sus manos y se levanta
para continuar hablando con contundencia de voz)
¡Agilen p’alantre los que tién curtura!
¡Agilen p’alantre los que tién talento!
¡Qu’agilen delantre tós los qu’han leío
porque yo no pueo!
Na más soy poeta,
de los de nacencia, de los extremeños.
Y afilo mi pluma con la mi experencia,
y arrebusco, y jimplo, y escarbo’n los verbos.
¡Yo diré detrás con el mi magín
jilvanando versos!
Y es que yo cavilo:
Pa tirá del carro d’este galraero
a mí me s’ocurre que los ilustraos
tién que dir primeros.
Y aluego nusotros,
con versinos nuevos,
manque’n jarapales nus jagamos trizas
nuestros sentimientos,
pasino a pasino
jaremos sendero.
Y arrebuscaremos aquellas vereas
arrescondiínas por los nuestros pueblos;
castúas palabras, aquellas qu’antaño
icían los agüelos;
recaínos nuestros, los mesmos qu’hogaño
s’enrean con el tiempo;
y güenos poemas, versos qu’en la tierra jueron enraigaos
por jondos pensares de grandes maestros.
¡Versos qu’entoavía
nus calan mu adrento!
Porqu’Extremadura es tierra arrogante
qu’esparramó cielo
por los escondrijos más arrebuscaos
d’este firmamento;
y los que jacemos memoria
d’aquello,
con la savia nueva
de los nuevos versos,
a viejos poetas
jonramos sin mieo.
¡Agilen p’alantre los que tién curtura
y nus abran paso a los poetas nuevos!
Pa que asín s’empollen
nietos y bisnietos
de la nuestra galra...
¡qu’entoavía hay tiempo!
Y palren asina,
y sin mieo manejen tós los nuestros verbos,
esos que nus jinchan el pecho d’ergullo
a los extremeños.
¡Qu’agilen p’alantre, qu’agilen con ganas
los que tién talento,
los que tién curtura,
los nobles, los güenos, los sabios maestros!
¡Naide s’acagace!
¡Naide tenga miëo!
Qu’asín arrejunde dende su nacencia
la juerza d’un pueblo
que labró los mares más arrebataos
y sembró caraite’n la tierra adrento
regao con sangre,
suores y esjuerzos.
(“ Verbo Extremeño”
Extracto.- ASINA.- Javier Feijóo)
