ORELLANA LA VIEJA: Primu ya veo que t'apaña mu bien con el nuehtru palrá...

Mu bien, Sisuka, por abel queríu compartî ehta puesía con musotroh. No solu me guhta por ehtâ ehcrita en cahtúo, sinu porque vieni a sê to un cantu a l'ergullu del palrâ ehtremeñu.
Pol ciertu, ¿se pue sabê d'andi l'áh sacáu?
Me pilraría muchu que loh foreroh máh echaoh p'alanti hicián lo'suh pinitoh en cahtúo...!
Besoh del tu primu Pericu

Primu ya veo que t'apaña mu bien con el nuehtru palrá Extremeñu, güeno poh ehte poema lo tengu de hace argunu año lu saqué d'argua pagina d'internet, me guhtó mucho y lo copie, tengu algunu má peru ehte comu bien tú dice eh un orgullu a nuehtru dialecto a la nuehtra raices má jondas,
he una pena que lo ehtemu perdiendo.
Besoh y un'abrazu mu juerti

Prima, la suerti del nuehtru dialetu eh cosa mu nuehtra, de toh y ca unu de musotroh. Yo creu que con loh meyoh ténicoh que tenemoh con un puñáu que le diéramoh un arrenpuhoncitu er cahtúo ahilaría p'alanti...
Eh mu normâ que sientah pena de vê que se ta perdiendu, peru yo te convidu a sentî l'alegría de hadel por ê lo máh que se puey hadel: palrâlu y ehcribîlu. Me paéh a mí qu'esi eh er caminu. Asina que... amoh a'hilâ p'alanti!
Prima, muchoh besoh pa ti y la niña, un abrazu pal tu maríu.