Luz ahora: 0,10557 €/kWh
bonus dias juldanas i juldanus dil cabezu, ista tardi intri las seis i seti istare in il pueblu, asina qui tenumus qui incindel lumbri in la chiminia puqui las noitis sun mais fresquiñas, mi sentare lluntu a la lumbri bendu cumu ardi la leña cu u basu di pitarra en una manu i u tabacu picau in la otra, pensandu cumu ei bai a prubichar lus dois dias, qui seguramenti u dia seia pa facer la budega i otru pa las batuecas o riscu gordu, pisal la terra di juldes mi ricrea mi menti cun nuebas fuerza i energia pa tiral pa lanti cu iusion i ispiranza di llibal una bida millol, isti fuegu criador i reginerador se incuentra in grandis cantidadis i alsolutamenti gratis in las batuecas, las pedras teni fuerza, u riu teni mobimientu, u bosqui teni muita bida, la magia runda pu tuas las partis dil balli i tesus di las batuecas, las pinturas rupestes nus falan di u pasadu magicu dundi u omi istaba intrigadu i cuidaba u intornu natural di la serra, istas pinturas tenin barius mutibus di insiñanza in temas cumu la caza, lu riligiosu i midil u tempu pu la luna cun piqueñas pinciladas simetricas, temas dil busqui i dumesticus, tudu ellu mi leba a pinsal qui u omi di las batuecas is il juldanu in u piriodu cazador i ganaderu cu un clan tutalmenti istablecidu in tudas sus facetas cun periodus numadas pu tema di caza, dundi u clan teni istablecidu jefi, sacirduti, girrerus-cazadoris i lu mais sagradu las mulleres qui tenin puder di dicision, cuntrol di lus asuntus dumesticus di la tribu i tamen u tema riligiusu lla qui in aquel tempu si aduraba a la diosa madri i ista impuestu la figura magicu-riligiusa di la sacerdutisa, la mullel teni iguadad cun rispetu a u omi, sun dias felicis dondi tudu istaba sumitidu a las lelles di la naturaleza, a la lei di la DIOSA MADRI. u saludu di u busquimanu di las batuecas.