bonus dias juldanos i juldanas dil cabezu, face un poquitu di friu in badallo i pareci qui bai a bajal mais las timpiratura, boi a falal subi la figura dil jaoril, jaori, un omi dil pueblu juldanu qui a caminau pu tuas la serra gata, juldis, batucas i parti di pueblus rallanus di salamanca, tamen pudia facel traballus di alimañerus cuandu lus becinus di lus pueblus li cuntrataban pa matal lus lobus qui facian dañu a lus ganadus, su cunocimentu di las plantas, llelbas dil bosqui i di la serra pa cural a pirsonas, ganadus dumesticus di lus pueblus di una fulma tutalmenti di rimedius naturalis, miscladu cun ritu i furmulas magica, un arbulariu di lus di las ciudadis nu li lliga a u zancaju in cunocimentu di plantas medicinalis a un jaoril o jauri, tamen in algunus situs li laman zahori, tamen se didicaba a ricugel lus cuentus i lellendas qui icutaba pu andi pasaba, eri u omi rispitadu i queridu pu su cunocimentu di sanador, maestru di pequininus i sabiu di lus cunjurus i formulas magicas qui nuestrus antipasadus nus ligarun pa subebibil in una cumalca alijada di medicus, maestrus, famacias i to aquellu qui leba a un mudernismu in nuestra fulma di bibil, peru creu qui gacias a nu disarrullal industria i otra fulma di ecunomia nus a binidu millol, sulamenti ai qui bel u rius, bosquis, tesus, ballis qui tenemus mais purus qui otrus pueblus di ispaña, cuntandu cu u fuclori i tradiciu qui a pudidu sel gracias a nuestru aislamentu, pu isti mutibu nu a disiparecidu u jaoril innustra cumalca i qui decil di las curanderas juldanas, to u mundu sabi di remedius caserus medicinalis qui nus cuntarun nustrus guelus puqui lu icutarun a una curandera di las mutas qui abia pu u balli dil ladillal, la tia remedius di cabezu sabi mutu di plantas sanadoras di lus malis dil cuelpu, istu eri u ejemplu dil cunocimentu erbulariu di nuestra genti. abrasu i saludu di u busquimanu dil cabezu.