bonus dias juldanas i judanus dil cabezu faci friu i bentu, u duendi entinau eri un duendi gigantescu, cun u bestidu to di negru i teni un sumberu mui gandi, isti duendi teni u tamañu di lus tesus mais gandis di juldis a becis poni u pie en u picu mingorru i otru subri u picu salumbreru, rebullendu cun su sumbreru las nubis del celu i intoncis si pruducia la llubia pu lus tesus i ballis di juldis u duendi intinau sempri leba llesca a u fin di darli alus pastoris pa qui encendan sus cachimbas i cundu u pastol nu queri lumbri u duendi se infada mutu alburutandu las nubis, rallus i rilampagus cain celca dil pastol todu si poni negru callendu rallus cun ganizus i lus truenus sun puqui teni u tamburil mui gandi i qui lus rilampagus se puducian pu las chispas qui saltaban al tucar el delabun cun la pernala i cundu u trozu di llesca si iscapaba, di la lumbri ardian lus montis puducienduse mutus danu al campu, in istus mumentus tenemus qui ital u responsu a san antoniu benditu i santa barbara bendita pa qui la tumenta dil duendi si balla lejus di nosotrus i nu nus aga dañu. abrasu i saludu dil busquimanu dil cabezu.
Luz ahora: 0,12200 €/kWh