3 meses GRATIS
Recordandu a pexeta
Aunque pa os nacius enho pasau siglu está prexenti en nossu vivil de ca dia, nuhé asi pa os nacius enho siglu prexenti. Nosa monea española nacei o 19 de Octubri de 1868 (habia sustituiu a o Escudu) i foi monea nacional hasta que chegó o euru en 1999, aunque siguí circulandu hasta o 31 de Diciembre de o 2001. Hoxi inda poi cambialsi sin gastu algun, hasta o 2020, enho Bancu de España.
Se le chamó a ela i suas fracciós con estis apodus: a os 5 céntimus perra pequena; a os 10 céntimus perra gorda; a os 25 céntimus o real; as 2,50 o meyu duru: as cincu pexetas, o duru. Y a pexeta, a pela, a rubia. Seis billetis eran de 5-10-50-100-500 (1000) i multiplus 2000-5000-10000, cambiando seis personajis. Nos familiarizamus con ela i nos apenó sua retirá a pexal de sei baixu valol.
Era fácil encontrala a ela misma o a seis céntimus tiraus por o sólu. Nos avergonzaba baixalnus a collela i idiamus: "A collu dá boa sorti" Hoxi é dificil vel un euru enho sólu, por tantu, esta hipotética sorti nos ha dexapariciu. Inda quean frasis "valis mais que as pexetas" o "naidi dá durus a cuatru pexetas". Con estas menciós i recordus de a que foi durainti un siglu i meyu nosa monea española, terminu estas lineas de maneira escueta: "Gracias pexeta" A mán de o cura te acaricia, a de o avaru te apreta con saña i o usureiru te da boa maña pa multiplicarti con codicia (San Peiru XIV) (¿Nun cunfundil con os pexeteirus?)
Aunque pa os nacius enho pasau siglu está prexenti en nossu vivil de ca dia, nuhé asi pa os nacius enho siglu prexenti. Nosa monea española nacei o 19 de Octubri de 1868 (habia sustituiu a o Escudu) i foi monea nacional hasta que chegó o euru en 1999, aunque siguí circulandu hasta o 31 de Diciembre de o 2001. Hoxi inda poi cambialsi sin gastu algun, hasta o 2020, enho Bancu de España.
Se le chamó a ela i suas fracciós con estis apodus: a os 5 céntimus perra pequena; a os 10 céntimus perra gorda; a os 25 céntimus o real; as 2,50 o meyu duru: as cincu pexetas, o duru. Y a pexeta, a pela, a rubia. Seis billetis eran de 5-10-50-100-500 (1000) i multiplus 2000-5000-10000, cambiando seis personajis. Nos familiarizamus con ela i nos apenó sua retirá a pexal de sei baixu valol.
Era fácil encontrala a ela misma o a seis céntimus tiraus por o sólu. Nos avergonzaba baixalnus a collela i idiamus: "A collu dá boa sorti" Hoxi é dificil vel un euru enho sólu, por tantu, esta hipotética sorti nos ha dexapariciu. Inda quean frasis "valis mais que as pexetas" o "naidi dá durus a cuatru pexetas". Con estas menciós i recordus de a que foi durainti un siglu i meyu nosa monea española, terminu estas lineas de maneira escueta: "Gracias pexeta" A mán de o cura te acaricia, a de o avaru te apreta con saña i o usureiru te da boa maña pa multiplicarti con codicia (San Peiru XIV) (¿Nun cunfundil con os pexeteirus?)