Luz ahora: 0,09450 €/kWh
Autor: ANGEL MENÉNDEZ “ANXELU”
EL DIVORCIU DE SEGUNDO
Si d’algún falto en hablar
de los que oyéndome están,
dispensáime, non quisiera
na más, de que el pagu viera
que algunes muyeres dan.
Desde la vida de Adán
- que dicen que pué que fuera
el primer padre nacíu
de los humanos na tierra –....
¿Quién e n’el mundu creyera
lo que hoy diba soceder?
¿Habrá d’algún que dixera
que’l que a gusto non tuviera
hoy lu diben a poner?
¡Qué rediola, diba haber!
Xuego el pescuezu a cualquiera.
¿Cuándo se tuvo muyer
y si ves que te da guerra
en sin esperar que muerra
queda un solteru otra vez?...
iva el divorciu, rediez!
- ¡Viva!- que sabe Segundo
que muyeres n’esti mundo
hay pa cá paisano, diez! –
Y ahora a ti... ¿qué te paez?
¿qué te valió andar torcía,
“casadiella y’en sin nuez”?
¿Quedes ahora convencía...?
anto quixo allá meter
que arreventó la butía.
Bien se les pué componer
que si la veo aflaquecía
por yo non la dir a ver...
como si la veo morrer
no i rezo un Ave-María.
Ya va un añu que venía
con diretes y alegates
y ná, como si la mates
casu de mi non facia.
Pos... ta te va llegar el día
que te acuerdes, Liberata
de tanto ricar la pata
y pues non tengas salía.
Pa faceme mas rabiar
cuando yo esto y decía
¿sabéis ella que facía?
sonsoñame y reburdiar
y andar de morros tol día.
Tanto me llegó a llenar
que díxei yo:
- Esta vida,
pa quien la quiera aguantar
que vieyu non soy toavía.
Y entós mesmo, sin parar
voy a ver a Don Gaspar,
- xuez de to la comarquía –
y al ver que tanto corría
díxome al veme llegar:
- ¿Qué trai Segundo arreglar,
prindáronte alguna xata?
- ¡Non, señor! a devurciar,
que ya alcuenro a Liberata
hasta dientro la petaca
cuando un cigarro voy char.
Y va el xuez, sin esperar
lo que se diz, ni un menutu,
empezó ya rebuscar
papeles de un almariucu
y entós dixo:
- ¡Aquí van tar!
Riésgalos y fuera trucu,
ya fue bastante aguantar.
Y en zampar más pan del sucu,
menos que sea a costa d’utru,
Liberata va a tardar.
Marché en busca dos testigos
porque hay dos firmes que char,
a allí, en medio una caleya,
que se axunten a charlar...
- dexagerar non quisiera –
pero había un centenar.
Y na más que yos lo digo...
si los viereis desputar
por querer dir tóos conmigo;
tóos xuntos queríen firmar.
Ahora dai en fegurar
- en sin que sean Liberata –
lo a gusto que algunos tan...
si a veces, en vez de pan
valía más dayos estaca.
Si non hay n’el mundo cosa
que puea tanto apitecer
como el estar un solteru;
ya me divorcie anteayer
y si alcuentro una muyer...
quiero más topar un perru.
Ta bien la ley del divorciu,
bien está; pero estaría,
a mio ver, muncho mejor
si escribiera el inventor
otru articulo entoavía.
Bien claro, vamos a ver:
¿Por qué non debía de ser,
un probe, que to la vida
cargó con una muyer
fea, y ademas torcía,
fartuca ya de agoler
a cucho, aquel non debía
cambiar con la de un señor?...
¡Pa siempre, non ¡. por favor
pero al menos, d’algun día.
¡Ya lo creo! ¡Si señor!
que aguelen muncho mejor
y llavense tóos los días.
De suguro el inventor
esto non i convenía
tampoco, porque sería
la del de muy guen golor...
Pos, si quier tamien la mía,
que i preste; que al mió reor,
aunque venga arrepentía
y más pintá que una flor
páime que non la quería.
Lo que mejor escribío
foy aquello que decia:
Muyeres: les condiciones,
que vos sirva bien de guía
el mió artículo postreru:
Nin dormir, ni andar en bromes,
non podreis con otros homes
sin permisu del primeru.
Esi golpe foy de pana.
Cuando al mió traste i de gana
buscar un pa que la duerma....
o pa calentai la cama...
voy recomendai de Sama
un tontu que i llamen “Duerna”.
Si me hubiera obedecío
cuando i mandaba callar,
hoy aforraba llorar
ansí que se tire al río.
Y ahora, antes de acabar,
sin distinción, voy a dar
un conseju a les muyeres,
la que lu quiera aplicar:
Les que vos tenéis por guenes
- si vos queréis apreciar-
buscai el remediu a tiempu,
que si el home da en rabiar
por vosotres platicar,
el más guenu, pierde el tientu,
Conque..., fijáibos pa hablar,
y procurar non andar
entre les males regueltes
que como diz “Tíu Gaspar”...:
Non des la llengua, Pilar
qu’el mundo da muches gueltes. ... (ver texto completo)
EL DIVORCIU DE SEGUNDO
Si d’algún falto en hablar
de los que oyéndome están,
dispensáime, non quisiera
na más, de que el pagu viera
que algunes muyeres dan.
Desde la vida de Adán
- que dicen que pué que fuera
el primer padre nacíu
de los humanos na tierra –....
¿Quién e n’el mundu creyera
lo que hoy diba soceder?
¿Habrá d’algún que dixera
que’l que a gusto non tuviera
hoy lu diben a poner?
¡Qué rediola, diba haber!
Xuego el pescuezu a cualquiera.
¿Cuándo se tuvo muyer
y si ves que te da guerra
en sin esperar que muerra
queda un solteru otra vez?...
iva el divorciu, rediez!
- ¡Viva!- que sabe Segundo
que muyeres n’esti mundo
hay pa cá paisano, diez! –
Y ahora a ti... ¿qué te paez?
¿qué te valió andar torcía,
“casadiella y’en sin nuez”?
¿Quedes ahora convencía...?
anto quixo allá meter
que arreventó la butía.
Bien se les pué componer
que si la veo aflaquecía
por yo non la dir a ver...
como si la veo morrer
no i rezo un Ave-María.
Ya va un añu que venía
con diretes y alegates
y ná, como si la mates
casu de mi non facia.
Pos... ta te va llegar el día
que te acuerdes, Liberata
de tanto ricar la pata
y pues non tengas salía.
Pa faceme mas rabiar
cuando yo esto y decía
¿sabéis ella que facía?
sonsoñame y reburdiar
y andar de morros tol día.
Tanto me llegó a llenar
que díxei yo:
- Esta vida,
pa quien la quiera aguantar
que vieyu non soy toavía.
Y entós mesmo, sin parar
voy a ver a Don Gaspar,
- xuez de to la comarquía –
y al ver que tanto corría
díxome al veme llegar:
- ¿Qué trai Segundo arreglar,
prindáronte alguna xata?
- ¡Non, señor! a devurciar,
que ya alcuenro a Liberata
hasta dientro la petaca
cuando un cigarro voy char.
Y va el xuez, sin esperar
lo que se diz, ni un menutu,
empezó ya rebuscar
papeles de un almariucu
y entós dixo:
- ¡Aquí van tar!
Riésgalos y fuera trucu,
ya fue bastante aguantar.
Y en zampar más pan del sucu,
menos que sea a costa d’utru,
Liberata va a tardar.
Marché en busca dos testigos
porque hay dos firmes que char,
a allí, en medio una caleya,
que se axunten a charlar...
- dexagerar non quisiera –
pero había un centenar.
Y na más que yos lo digo...
si los viereis desputar
por querer dir tóos conmigo;
tóos xuntos queríen firmar.
Ahora dai en fegurar
- en sin que sean Liberata –
lo a gusto que algunos tan...
si a veces, en vez de pan
valía más dayos estaca.
Si non hay n’el mundo cosa
que puea tanto apitecer
como el estar un solteru;
ya me divorcie anteayer
y si alcuentro una muyer...
quiero más topar un perru.
Ta bien la ley del divorciu,
bien está; pero estaría,
a mio ver, muncho mejor
si escribiera el inventor
otru articulo entoavía.
Bien claro, vamos a ver:
¿Por qué non debía de ser,
un probe, que to la vida
cargó con una muyer
fea, y ademas torcía,
fartuca ya de agoler
a cucho, aquel non debía
cambiar con la de un señor?...
¡Pa siempre, non ¡. por favor
pero al menos, d’algun día.
¡Ya lo creo! ¡Si señor!
que aguelen muncho mejor
y llavense tóos los días.
De suguro el inventor
esto non i convenía
tampoco, porque sería
la del de muy guen golor...
Pos, si quier tamien la mía,
que i preste; que al mió reor,
aunque venga arrepentía
y más pintá que una flor
páime que non la quería.
Lo que mejor escribío
foy aquello que decia:
Muyeres: les condiciones,
que vos sirva bien de guía
el mió artículo postreru:
Nin dormir, ni andar en bromes,
non podreis con otros homes
sin permisu del primeru.
Esi golpe foy de pana.
Cuando al mió traste i de gana
buscar un pa que la duerma....
o pa calentai la cama...
voy recomendai de Sama
un tontu que i llamen “Duerna”.
Si me hubiera obedecío
cuando i mandaba callar,
hoy aforraba llorar
ansí que se tire al río.
Y ahora, antes de acabar,
sin distinción, voy a dar
un conseju a les muyeres,
la que lu quiera aplicar:
Les que vos tenéis por guenes
- si vos queréis apreciar-
buscai el remediu a tiempu,
que si el home da en rabiar
por vosotres platicar,
el más guenu, pierde el tientu,
Conque..., fijáibos pa hablar,
y procurar non andar
entre les males regueltes
que como diz “Tíu Gaspar”...:
Non des la llengua, Pilar
qu’el mundo da muches gueltes. ... (ver texto completo)
